திருப்பூர்: இடுவாய் அண்ணாமலையார் கோவில் பிரத்தியங்கிரா தேவிக்கு, நிகும்பலா யாகம் நடந்தது.

திருப்பூர் அருகே, இடுவாய் ஊராட்சி, சின்னக்காளிபாளையம் ரோடு, அண்ணாமலை கார்டனில் உள்ள, உண்ணாமுலை அம்பிகை சமேத அண்ணாமலையார் கோவிலில், அமாவாசை சிறப்பு பூஜை நேற்றுமுன்தினம் நடந்தது. பிரத்தியங்கிரா தேவி சன்னிதானத்தில் நடந்த நிகும்பலா யாகத்தில், பூ வகைகள், பழங்கள், பலகாரங்கள், மிளகாய், நெய் உட்பட நுாற்றுக்கும் மேற்பட்ட சீர் தட்டுக்கள் கொண்டுசெல்லப்பட்டு, யாக குண்டத்தில் சமர்ப்பிக்கப்பட்டது. உலக மக்களின் நன்மை வேண்டி நடத்தப்பட்ட இந்த யாகத்தில், திரளான பக்தர்கள் பங்கேற்று வழிபாடு நடத்தினர். திருஷ்டியை போக்குவதற்காக, பக்தர்கள், யாக குண்டத்தில் வெண் கடுகு சமர்ப்பித்தனர். அனைவருக்கும் அன்னதானம் வழங்கப் பட்டது.