திருப்போரூர்:திருப்போரூர் கந்தசுவாமி கோவிலில், அதிக பக்தர்கள் கூடும் கிருத்திகைகளில் ஒன்றாக, சித்திரை கிருத்திகை விழா விளங்குகிறது.

நாளை சித்திரை கிருத்திகை விழாவை முன்னிட்டு, ஏராளமான பக்தர்கள் கந்தசுவாமியை வழிபட வருவர். அதிகாலை, 3:00 மணிக்கு நடை திறக்கப்படும். பக்தர்கள், பிரார்த்தனையாக மொட்டை அடித்து, சரவண பொய்கையில் நீராடி, சுவாமிக்கு அர்ச்சனை செய்வர். அதேபோல் கந்தசுவாமிக்கு, கிருத்திகை அபிஷேகமும், மயில் வாகன விதியுலாவும் நடைபெறும். அதற்காக, பக்தர்கள் வரிசையில் நின்று, சுவாமியை வழிபட, கூடுதலாக வரிசை அமைத்தல், மொட்டை அடிக்கும் மண்டபம் உள்ளிட்ட இடங்களில் பந்தல் அமைத்தல், குடிநீர் வசதி செய்தல், போலீஸ் பாதுகாப்பு வழங்குதல் போன்ற முன்னேற்பாடு பணிகள் நடக்கின்றன.