அவிநாசி: அவிநாசி வட்டம்,போத்தம்பாளையம் ஊராட்சியில் எழுந்தருளியுள்ள சுயம்பு மாரியம்மன் கோவிலில் பூச்சாட்டு பொங்கல் விழா நடைபெற்றது.

கடந்த 2ம் தேதி காப்பு கட்டுதல்,கம்பம் நடுதல் ஆகிய நிகழ்ச்சிகளுடன் திருவிழா தொடங்கியது.அதனைத் தொடர்ந்து 3ம் தேதி படைக்கலம் எடுத்தல்,அம்மை அழைத்தல்,பொங்கல் வைத்தல்,விளக்கு மாவு எடுத்து ஊர்வலம் வருதல் ஆகிய நிகழ்ச்சிகளில் நூற்றுக்கும் மேற்பட்ட பெண்கள் கலந்து கொண்டனர். நேற்று மறுபூஜை,மஞ்சள் நீராட்டுடன் பூச்சாட்டு பொங்கல் விழா நிறைவு பெற்றது. ஊர் பொதுமக்கள் சார்பில் பக்தர்களுக்கு அன்னதானம் வழங்கப்பட்டது.