திருச்சி : ஸ்ரீரங்கம் காவிரி ஆறு அம்மா மண்டப படித்துறையில் கஜ மோட்சம் வைபவம் நடந்தது.

சித்ரா பவுர்ணமியையொட்டி, திருச்சி, ஸ்ரீரங்கம் அம்மா மண்டபம் காவிரி ஆற்றில், கஜேந்திர மோட்சம் நிகழ்ச்சி நடந்தது. ஸ்ரீரங்கம் கோவிலில் இருந்து, காலை, 7:30 மணிக்கு, மூலஸ்தானத்தில் இருந்து புறப்படும் நம்பெருமாள், வழி நடை உபயங்கள் கண்டருளி, அம்மா மண்டபம் படித்துறையில் உள்ள, ஆஸ்தான மண்டபத்தில் எழுந்தருளினார். அங்கு, பகல் 12:00 மணி முதல், 2:00 மணி வரை, திருமஞ்சனம் கண்டருளினார். மாலை, 6:15 மணிக்கு, காவிரி ஆற்றுக்கு சென்ற நம்பெருமாள், கோவில் யானை ஆண்டாளுக்கு, கஜேந்திர மோட்சம் அளித்தார். இதில், ஏராளமான பக்தர்கள் கலந்து கொண்டு தரிசனம் செய்தனர்.