மீனாட்சி சுந்தரேஸ்வரர் கோவில் சித்திரை திருவிழா நிறைவு
எழுத்தின் அளவு:
பதிவு செய்த நாள்
08மே 2023 07:05
தேவகோட்டை: தேவகோட்டை மீனாட்சி சுந்தரேஸ்வரர் கோவில் சித்திரை திருவிழா கணபதி ஹோமத்தை தொடர்ந்து ஏப். 25 ந்தேதி கொடியேற்றத்துடன் தொடங்கியது. பன்னிரண்டு தினங்களாக சுந்தரேஸ்வரர், மீனாட்சி அம்மன் , மற்றும் பரிவார தெய்வங்களுக்கு சிறப்பு அபிஷேகம் நடந்தன. தினமும் பஞ்சமூர்த்திகள் சிறப்பு அலங்காரத்தில் சிறப்பு வாகனங்களில் வீதி உலா வந்தனர். 5 ம் நாள் திருக் கல்யாணம், 9 ம் நாள் தேரோட்டம் , 11 ம் நாள் சுவாமி அம்பாள் எதிரே உள்ள தெப்பத்தில் உலா நடைபெற்றது. 12 ம் நாள் ஏகாதச ருத்ர ஜெபம், தாரா ஹோமம், ஊஞ்சல் நிகழ்ச்சியுடன் சித்திரை திருவிழா நிறைவு பெற்றது. சிவன்கோவில் திருவிழாவிற்கு முன்பாக கோவில் நிர்வாகத்திற்கு சொந்தமான பத்ரகாளியம்மன் கோவில் திருவிழா மூன்று தினங்கள் நடந்தது. அம்மனுக்கு சிறப்பு பூஜை அலங்காரம், வீதி உலா நடைபெற்றது.