பாலக்காடு: மஹாபாரத கதகளி மகோற்சவத்திற்கு துவக்கம்

கேரள மாநிலம் பாலக்காடு மாவட்டம் அகத்தேத்தறை அருகே உள்ளது கல்லேக்குளங்கரை. இங்கு கேரளா கலாச்சாரத்தின் சின்னமாக அறியப்படும் கதகளி நடனம் கற்பிக்கும் ஒரு இடம் உள்ளது. அதனை "கதகளி கிராமம்" என்று அழைக்கப்படுகிறது. இதனின் ஆண்டு விழாவும் மகாபாரத கதகளி மகோத்சவவும் பிரபல கதகளி நடன கலைஞர் கலாமண்டலம் ராமன்குட்டி நாயர் நினைவு தினமும் நேற்று முன்தினம் எம்.எல்.ஏ., பிரபாகரன் துவக்கி வைத்தார். ஏமூர் பகவதி அம்மன் கோவில் சப்தாஹ மண்டபத்தில் நடக்கும் நிகழ்ச்சியில் கதகளி கிராமம் நிர்வாக அறங்காவலர் வெங்கட்ராமன் தலைமை வகித்தார். நாராயணன் நினைவுரை ஆற்றினார். இந்த விழாவையொட்டி நேற்று காலை 8 மணி முதல் 12 மணி நேரம் நீண்டு நிற்கும் கதகளி மகோத்சவம் துவங்கின. பஞ்சபாண்டவரும் பாஞ்சாலியின் அரங்கில் ஏறி புறப்படுவதோடு நிகழ்ச்சி ஆரம்பித்தன. தொடர்ந்து பாண்டு மாந்திரீயம், பகவதம், துரியோதன வதம், கிர்மீரவதம், கல்யாண சவ்கந்திகம், கிராதம், காலகேய வதம், கீசகவதம், உத்தரா சுயம்வரம் ஆகிய கதைகள் அரங்கில் ஏறின. விழாவுக்கு முன்னதாக கதகளி கிராமத்தின் 25 மாணவர்கள் சேர்ந்து மகாபாரத செய்தி உட்கொள்ளும் "அரங்கொலி" என்ற நிகழ்ச்சியும் நடந்தன.