அவிநாசி; சேவூரில், நடராஜ பெருமானுக்கு சித்திரை அபிஷேகம் வெகு விமர்சையாக நடைபெற்றது.

சேவூர் வாலிஸ்வரர் கோவிலில் ஸ்ரீநடராஜர் சிவகாமி அம்மனுக்கு சித்திரை மாத திருவோண நட்சத்திர நாளான இன்று மஹா அபிஷேகம் நடைபெற்றது. இதில் பால், தயிர், இளநீர், மஞ்சள், சந்தனம், பன்னீர் உள்ளிட்ட 32 வகையான திரவியங்களால் ஸ்ரீநடராஜர் சமேத சிவகாமி அம்மனுக்கு சிறப்பு அபிஷேகம் நடைபெற்றது. இதையடுத்து செம்பகப்பூ, தாமரை மாலை,வில்வமாலைகளால் சாமி அலங்கரிக்கப்பட்டு புஷ்பார்ச்சனை நடைபெற்றது. இதை தொடர்ந்து தேவாரம், திருவாசகம் உள்ளிட்ட பஞ்ச புராண கூட்டு வழிபாடு நடைபெற்று பக்தர்களுக்கு அன்னதானம் வழங்கப்பட்டது. இதில் சேவூர் சுற்றுவட்டார பகுதியிலிருந்து ஏராளமான பக்தர்கள் கலந்து கொண்டு சாமி தரிசனம் செய்தனர்.