போத்தனூர்: போத்தனூர் கண் மருத்துவமனை அருகேயுள்ள தனியார் திருமண மண்டபத்தில், விக்னேஸ்வரா பஜனா மண்டலி சார்பில், 21ம் ஆண்டாக சீதாராம கல்யாண மஹோத்ஸவம் நேற்று அதிகாலை கணபதி ஹோமத்துடன் துவங்கியது. தொடர்ந்து விஷ்ணு சகஸ்ரநாம பாராயணம் தோடயமங்களம், குருத்யானம், அஷ்டபதி பஜனை, நாமசங்கீர்த்தனம். பஞ்சபதி, தியானம், பூஜை உள்ளிட்டவை நடந்தன. இரண்டாம் நாளான இன்று காலை உஞ்சவ்ருத்தி நடந்தது. இதையடுத்து சீதாராம கல்யாண மஹோத்ஸவத்தை ஈரோடு மதுசூதனன் பாகவதர் குழுவினர் நடத்தினர். தொடர்ந்து மாங்கல்ய தாரணம், நலுங்கு, தீபாராதனை நடந்தன. நாமசங்கீத்தனம், வசந்த கேளிக்கை உள்ளிட்டவையும் நடந்தன. திரளானோர் திருக்கல்யாணத்தில் பங்கேற்றனர்.