அன்னூர்: அன்னூர் மன்னீஸ்வரர் கோவிலில், உண்டியல் காணிக்கை எண்ணும் பணி நடந்தது.

அன்னூர் மன்னீஸ்வரர் கோவிலில், மூன்று மாதங்களுக்கு ஒரு முறை காணிக்கைகள் எண்ணப்படுகிறது. இந்த முறை ஒரு மாதம் தாமதமாக நேற்று முன்தினம் உண்டியல் காணிக்கை எண்ணும் பணி நடந்தது. இந்து சமய அறநிலையத்துறை ஆய்வாளர் தமயந்தி, செயல் அலுவலர் பூங்கொடி ஆகியோர் முன்னிலையில், கோவில் வளாகத்தில் அமைக்கப்பட்டிருந்த உள்ள நான்கு உண்டியல்கள் திறக்கப்பட்டு காணிக்கைகள் எண்ணப்பட்டன. இதில் நான்கு லட்சத்து 87 ஆயிரத்து 467 ரூபாய் இருந்தது. இத்துடன் அமெரிக்காவின் 20 டாலர் நோட்டுகள் 5, ஆஸ்திரேலியாவின் 20 டாலர் நோட்டு ஒன்று, 15.6 கிராம் தங்கம், 4.7 கிராம் வெள்ளி ஆகியவையும் உண்டியலில் இருந்தன. காணிக்கை எண்ணும் பணியில் திருமுருகன் அருள்நெறி கழக நிர்வாகிகள் சுந்தரம், கருப்புசாமி மற்றும் தன்னார்வலர்கள் ஈடுபட்டனர்.