மேலுார்; மேலுார் துரோபதையம்மன் கோயில் வைகாசி மாத திருவிழா மே 19 கொடியேற்றத்துடன் துவங்கியது. நேற்று இரவு தர்மராஜன் மற்றும் துரோபதையம்மனுக்கு சிவாச்சாரியார் தட்சினாமூர்த்தி திருக்கல்யாணம் நடத்தினார். அதற்கு முன்பாக காப்பு கட்டிய பக்தர்கள் மண்கட்டி தெப்பக்குளத்தில் இருந்து பால்குடம் எடுத்து கோயிலுக்கு வந்து நேர்த்திக்கடன் செலுத்தினர். மே 31 பீமன் கீசன் வேடமும், 6 சக்கர வியூக கோட்டையும், ஜூன் 9, அர்ஜூனன் தவசு, ஜூன் 11 பீமன் கூந்தல் விரிப்பு, ஜூன் 12 கூந்தல் முடிப்பு, ஜூன் 13 பக்தர்கள் பூக்குழி இறங்கி நேர்த்திக்கடன் செலுத்துகின்றனர். அதனைத் தொடர்ந்து சிம்மவாகனத்தில் அம்மன் ஊர்வலமாக வந்து பக்தர்களுக்கு அருள்பாலிக்கிறார். ஜூன் 14 மஞ்சள் நீராட்டுன் திருவிழா நிறைவு பெறுகிறது.