சிங்கம்புணரி: கும்பாபிஷேகத்தையொட்டி சேவுகப்பெருமாள் அய்யனாருக்கு ஏராளமானோர் சீர்வரிசை எடுத்து வந்து மரியாதை செலுத்தினர். சிவகங்கை தேவஸ்தானம், அடைக்கலம் காத்த நாட்டார்கள் சார்பில் சுவாமிக்கு மரியாதை செலுத்தப்பட்டது. தொடர்ந்து மண்டகப்படிதாரர்கள், சுற்றுவட்டார கிராம மக்கள் மற்றும் குலதெய்வ கோயில் வீடுகள் சார்பிலும் ஊர்வலமாக சீர்வரிசை எடுத்துவரப்பட்டது. 8ம் மண்டகப்படிதாரர்கள் சார்பில் சீரணி அரங்கம் அருகே பக்தர்களுக்கு அன்னதானம் போடப்பட்டு, அங்கிருந்து கோயிலுக்கு ஊர்வலமாக சீர்வரிசை எடுத்து வந்து சுவாமிக்கு படைத்தனர்.