பாலமேடு: பாலமேடு அருகே 66,எம்.பள்ளப்பட்டியில் தொட்டிச்சி அம்மன் கோயில் கும்பாபிஷேகம் நடந்தது. நேற்று முதல் கால யாக பூஜைகள் கணபதி ஹோமத்துடன் துவங்கின. இன்று காலை 2ம் கால பூஜையை தொடர்ந்து பிள்ளையார்பட்டி ராமநாத குருக்கள் தலைமையில் வேத மந்திரங்கள் முழங்க கோபுர கலசத்தில் புனித நீர் ஊற்றப்பட்டது. அம்மன், பரிவார தெய்வங்களுக்கு சிறப்பு அபிஷேக ஆராதனை, அர்ச்சனைகள் நடந்தன. பக்தர்களுக்கு அன்னதானம் வழங்கப்பட்டது.ஏற்பாடுகளை கிராம மக்கள் செய்திருந்தனர்.