கோபால்பட்டி; கோபால்பட்டி அருகே வி.மேட்டுப்பட்டி கதர் நரசிங்க பெருமாள் கோவிலில் வைகாசி மாத கடைசி சனிக்கிழமை ஒட்டி சிறப்பு பூஜைகள் நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.

வி.மேட்டுப்பட்டி கதிர் நரசிங்க பெருமாள் கோவிலில் வைகாசி மாத கடைசி சனிக்கிழமை சிறப்பு பூஜை நடந்தது. முன்னதாக பெருமாளுக்கு பால், பழம், பன்னீர் உள்ளிட்ட 16 வகை அபிஷேகப் பொருட்களைக் கொண்டு திரவிய அபிஷேகம் நடந்தது. தொடர்ந்து தாமரை, முல்லை, மல்லிகை, செவ்வந்தி, சம்பங்கி,துளசி உள்ளிட்ட பல வண்ண மலர்களால் அலங்கரிக்கப்பட்டு சிறப்பு பூஜைகள் நடைபெற்றது. அதனைத் தொடர்ந்து சுவாமிக்கு விஸ்வரூபபூஜைகளை தொடர்ந்து அர்ச்சனைகள் ஆராதனைகள் தீபாரதனை நடைபெற்றது. இதில் கோபால்பட்டி, சாணார்பட்டி உள்ளிட்ட சுற்றுவட்டார பகுதிகளை சேர்ந்த ஏராளமான பக்தர்கள் கலந்து கொண்டு சாமி தரிசனம் செய்தனர். இச்சிறப்பு பூஜைக்கான ஏற்பாடுகளை பரம்பரை அறங்காவலர்கள் நரசிம்மன், ராஜசிம்மன் மற்றும் கண்ணன் ஆகியோர் செய்திருந்தனர்.