கோவை :ஸ்ரீ கோதண்ட ராமஸ்வாமி தேவஸ்தானம் மற்றும் ராம்நகர் பஜனை கோஷ்டி சார்பில், ஸ்ரீ ராதாமாதவ கல்யாண மஹோத்ஸவம், ஸ்ரீ ஸ்ரீ முரளீதர ஸ்வாமிகள் முன்னிலையில், ராமர் கோவிலில் நடத்தப்படவுள்ளது.

கோவைக்கு வரும், 23ல் ஸ்ரீ ஸ்ரீ முரளீதர ஸ்வாமிகள் விஜயம் செய்கிறார். தொடர்ந்து மூன்று நாட்களுக்கு, ராம்நகர் கோதண்டராமஸ்வாமி தேவஸ்தானத்தில், மாலை 6:30 மணியிலிருந்து 8:30 மணி வரை, அவரது சத்சங்கம் நடக்கிறது. மறுநாள் காலை 8:00 முதல் மாலை 6:00 மணி வரை நாமஸங்கீர்த்தனம், ஸ்ரீ ஜயதேவர் அஷ்டபதி ஆகியவை நடக்கிறது. ராம்நகர் பஜனை கோஷ்டியினரும், மோஹனுார் ஸ்ரீகாந்த்கவுண்டின்ய பாகவதர் குழுவினரும், பஜனோத்ஸவம் நடத்துகின்றனர். இரவு 8:30 முதல் 11:30 மணி வரை, ஸ்ரீ திவ்யநாம சங்கீர்த்தனமும், ஜூன் 25 காலை 8:00 மணி முதல் உஞ்சவிருத்தி, நகர சங்கீர்த்தனமும், மதியம் 1:00 மணிக்கு ஸ்ரீ ராதாமாதவ கல்யாண மஹோத்ஸவமும், ஸ்ரீ ஆஞ்சனேய உத்ஸவமும் நடக்கின்றன. இந்நிகழ்ச்சிகள் அனைத்தும், ஸ்ரீஸ்ரீ முரளீதரஸ்வாமிகள் முன்னிலையில் நடக்கிறது. இதில் பக்தர்கள் அனைவரும் பங்கேற்க, கோதண்ட ராமஸ்வாமி தேவஸ்தானம் மற்றும் ராம்நகர் பஜனை கோஷ்டியினர் வேண்டுகோள் விடுத்துள்ளனர்.