கோவை: ராம் நகர் விவேகானந்தா ரோடு வி.என். தோட்டத்தில் இருக்கும் ஸ்ரீ மங்களாம்பிகா சமேத ஸ்ரீ ஆதிகும்பேஸ்வர ஸ்வாமி ஸ்ரீ முத்துமாரியம்மன் கோயிலில் ஆனி மாதம் இரண்டாவது புதன்கிழமையை முன்னிட்டு சிறப்பு வழிபாடு நடைபெற்றது. கோயிலில் உள்ள சிவ பக்த ஆஞ்சநேயருக்கு சிறப்பு பூஜைகள் நடந்தன. இதில் காவி வஸ்திரத்தில் பக்தர்களுக்கு அனுமன் காட்சியளித்தார். விழாவில் ஏராளமான பக்தர்கள் கலந்து கொண்டு ஆஞ்சநேயரை தரிசனம் செய்தனர்.