செஞ்சி: மேல்கூத்தப்பாக்கம் முத்து மாரியம்மன் கோவிலில் மகா கும்பாபிஷேகம் நடந்தது.

செஞ்சி அடுத்த பள்ளிகுளம் ஊராட்சி மேல்கூத்தப்பாக்கம் முத்துமாரியம்மன் கோவிலில் திருப்பணிகள் செய்து ஜீரணோதாரண மகா கும்பாபிஷேகம் நடந்தது. இதை முன்னிட்டு கடந்த 27 ம் தேதி காலை விக்னேஸ்வர பூஜை, கோபூஜை, வாஸ்து சாந்தி, நவகிரக ஹோமம் நடந்தது. மாலை 4.30 மணிக்கு சாமி கரிக்கோல ஊர்வலம், சிலைகள் கண் திறப்பு, யாகசாலை பிரவேசம், கும்ப அலங்காரம், கலச பிரதிஷ்டை, சிறப்பு யாகம் நடந்தது. இன்று காலை விசேஷ திரவிய ஹோமம், வேதபாராயணம், மகா பூர்ணாஹூதி, நாடி சந்தானம் ஆகியன நடந்தது. 9 மணிக்கு கடம் புறப்பாடும், 9.30 மணிக்கு முத்துமாரியம்மன் கோவில் விமான கும்பாபிஷேகமும், 10 மணிக்கு மகா அலங்காரம் மற்றும் சிறப்பு அலங்காரம், மகா தீபாராதனை நடந்தது. இதில் திரளான பக்தர்கள் கலந்து கொண்டனர். பக்தர்களுக்கு அன்னதானம் வழங்கினர்.