பரமக்குடி: பரமக்குடி ஈஸ்வரன் கோயில் மற்றும் சுந்தரராஜ பெருமாள் கோயில்களில் சுவாமிகள் வீதி வலம் நடந்தது.

பரமக்குடி சுந்தரராஜ பெருமாள் தேவஸ்தானத்தை சேர்ந்த விசாலாட்சி அம்பிகா சமேத சந்திரசேகர சுவாமி (ஈஸ்வரன்) கோயில் மற்றும் சவுந்தரவல்லி தாயார் சமேத சுந்தரராஜ பெருமாள் கோயில்களில் கும்பாபிஷேக விழா நடந்தது. இக்கோயிலில் ஜூன் 24 தொடங்கி அனுக்கை, விக்னேஸ்வர பூஜையுடன் விழா துவங்கியது. தொடர்ந்து ஈஸ்வரன் கோயிலில் 6 காலயாக பூஜைகளும், பெருமாள் கோயிலில் 5 காலயாக பூஜைகளும் கோலாகலமாக நடந்தது. இதன்படி நேற்று காலை இரண்டு கோயில்களிலும் கும்பாபிஷேக விழா நடந்தது. பின்னர் இரவு 9:00 மணிக்கு விசாலாட்சி அம்பிகா சமேத சந்திரசேகர சுவாமி மற்றும் பிரியா உடையுடன் சந்திரசேகர சுவாமி தனித்தனியாக ரிஷப வாகனத்தில் அலங்காரமாகினர். இதே போல் சுந்தரராஜ பெருமாள் கருட வாகனத்தில் எழுந்தருளி மலர் அலங்காரத்தில் வலம் வந்தனர். அப்போது பஞ்ச வாத்தியம், கயிலை வாத்தியம் மற்றும் மேள தளங்கள் முழங்க வானவேடிக்கையுடன் வீதி வலம் நடந்தது. ஏற்பாடுகளை சுந்தரராஜ பெருமாள் தேவஸ்தான டிரஸ்டிகள் செய்திருந்தனர். தொடர்ந்து இன்று தொடங்கி இரண்டு கோயில்களிலூம் மண்டல பூஜை துவங்கி நடக்கிறது.