அவிநாசி: அவிநாசி ஸ்ரீ பூமி நீளா நாயகி சமேத ஸ்ரீ கரி வரதராஜ பெருமாள் மற்றும் ஸ்ரீ வீர ஆஞ்சநேயர் திருக்கோவில்களில்,ஏழாம் ஆண்டு கும்பாபிஷேக விழா நடைபெற்றது. திருப்புக்கொளியூர் என போற்றுதலுக்குரிய கோங்கேழு சிவாலயங்களில் முதன்மையான ஸ்ரீ கருணாம்பிகை உடனமர் அவிநாசி லிங்கேஸ்வரர் கோவிலின் உப கோவில் ஆன ஸ்ரீ பூமி நீளா நாயகி சமேத ஸ்ரீ கரி வரதராஜ பெருமாள் மற்றும் ஸ்ரீ வீர ஆஞ்சநேயர் கோவில்களின் ஏழாம் ஆண்டு கும்பாபிஷேக விழா, சிறப்பு அபிஷேகம் அலங்காரம் மற்றும் தீபாராதனைகளுடன் நடைபெற்றது.முன்னதாக இரு கோவில்களிலும் மூல மந்திர ஹோமம் மற்றும் சுதர்சன ஹோமம் நடைபெற்றது. இதில் ஏராளமான பக்தர்கள் கலந்து கொண்டனர். பின்னர் பக்தர்களுக்கு பிரசாதம் வழங்கப்பட்டது இந்நிகழ்ச்சியை ஸ்ரீ வீர ஆஞ்சநேயர் பக்த பேரவையினர் செய்திருந்தனர்.