புதுச்சேரி : புதுச்சேரி அடுத்த பாகூர் மூலநாத சுவாமி திருக்கோயில் பிரம்மோற்சவ விழாவிவை முன்னிட்டு தேரோட்டம் நடந்தது.

பாகூரில் உள்ள பிரசித்தி பெற்ற மூலநாதர் சுவாமி கோவிலில் பிரம்மோற்சவ விழா கடந்த 23ம் தேதி கொடியேற்றத்துடன் துவங்கியது. தொடர்ந்து தினசரி சிறப்பு பூஜை, இரவில் சுவாமி வீதியுலா நடைபெற்று வருகிறது. முக்கிய நிகழ்வான தேர் திருவிழா இன்று 1ம் தேதி காலை 7.00 மணிக்கு தொடங்கியது. சிறப்பு பூஜைகளுக்கு பின் பக்தர்கள் வடம் பிடிக்க தேரோட்டம் சிறப்பாக நடைபெற்றது. ஏராளமான பக்தர்கள் கலந்து கொண்டு தரிசனம் செய்தனர். நாளை முருகன் வள்ளி தெய்வானை தெப்பல் உற்சவமும், 3ம் தேதி 63 நாயன்மார்கள் உற்சவம் நடக்கிறது.