ஆர்.எஸ்.மங்கலம்: ஆர்.எஸ்.மங்கலம் அரசாள வந்த அம்மன் கோயில் பால்குடம் மற்றும் பூச்சொரிதல் விழா, ஜூலை 25 நடைபெறுகிறது. இந்த பால்குட விழாவை முன்னிட்டு இன்று யாகசாலை பூஜைகள் அமைக்கப்பட்டு, கணபதி ஹோமம் நடைபெற்றது. தொடர்ந்து மூலவர் அம்மனுக்கு பால் அபிஷேகம் செய்யப்பட்டு விழாவின் துவக்கமாக காப்பு கட்டு நிகழ்வு நடைபெற்றது. விழாவில் தொடர்ச்சியாக ஜூலை 21 ல் திருவிளக்கு பூஜையும், ஜூலை 25 காலை பால்குடம் விழாவும், மாலையில் பூச்செரிதல் விழாவும் நடைபெறுகிறது. விழா ஏற்பாடுகளை இந்து சமய மன்ற நிர்வாகிகள் செய்து வருகின்றனர்.