ஆரல்வாய்மொழி: ஆரல்வாய்மொழி அருகே அவ்வையார் அம்மன் கோவிலில் ஆடி செவ்வாயை முன்னிட்டு பெண்கள் கூட்டம் அலை மோதியது. ஆடி மாதம் அம்மனுக்கு உகந்த மாதம் இந்த மாதம் 5 செவ்வாய்க்கிழமை உண்டு. முதல் செவ்வாயை முன்னிட்டு மாவட்டம் முழுவதும், கேரளாவில் இருந்தும் அதிக அளவில் பெண்கள் ஆலயத்தில் ஒன்று கூடி கூழ், கொழுக்கட்டை செய்து வழிபட்டனர். நேற்று அதிகாலையில் அவ்வையாரம்மன் கோவிலில் பல்வேறு சிறப்பு பூஜைகளும், உச்சிக்கால அலங்கார பூஜை, அபிஷேகம் நடைபெற்றது. பக்தர்களின் வசதிக்காக நாகர்கோவிலில் இருந்து சிறப்பு பேருந்து இயக்கப்பட்டது. ஆரல்வாய்மொழி போலீசார் பலத்த பாதுகாப்பு ஏற்பாடுகளை செய்திருந்தனர்.