காரைக்குடி: காரைக்குடியில் எல்லை முனீஸ்வரர் கோயல் திருவிழாவை முன்னிட்டு ஏராளமான பக்தர்கள் பால்குடம், பறவை காவடி எடுத்தும் தீமிதிக்கும் நேர்த்திக்கடன் செலுத்தினர்.

காரைக்குடி காளவாய் பொட்டலில் உள்ள எல்லை முனீஸ்வரர் கோயில் 22 வது ஆண்டு பூச்சொரிதல் விழா கடந்த வாரம் கொடியேற்றத்துடன் தொடங்கியது. தினமும் சுவாமிக்கு சிறப்பு அபிஷேக ஆராதனைகள் நடந்தது. முக்கிய நிகழ்ச்சியான பூச்சொரிதல் மற்றும் பொங்கல் விழாவை முன்னிட்டு இன்று ஏராளமான பக்தர்கள் பால்குடம், பறவை காவடி எடுத்தும் அழகு குத்தியும் தீமிதித்தும் நேர்த்திக் கடன் செலுத்தினர். முத்தாலம்மன் கோயிலில் தொடங்கி எல்லை முனீஸ்வரர் ஆலயம் வந்து பால்குடம் செலுத்தி நேர்த்திக்கடன் செலுத்தினார். இதில் சுற்றுவட்டாரத்தை சேர்ந்த ஏராளமான பக்தர்கள் கலந்து கொண்டனர்.