மானாமதுரை: மானாமதுரை மகா பஞ்சமுக பிரத்தியங்கிரா தேவி கோயிலில் சகஸ்ர சண்டி யாகம் நாளை துவங்கி வருகிற 20ம் தேதி வரை நடைபெற உள்ளது.

மானாமதுரை வேதியரேந்தல் விளக்கில் உள்ள மகா பஞ்சமுக பிரத்தியங்கிரா தேவி கோயிலில் சகஸ்ர சண்டீ யாகம் 20 வருடங்களாக தொடர்ந்து நடைபெற்று வருகிறது .இந்தாண்டிற்கான யாக விழா நாளை காலை கணபதி ஹோமத்துடன் தஞ்சை கணபதி சுப்ரமணியம் சாஸ்திரிகள் தலைமையில் துவங்குகிறது.யாகத்தின் முக்கிய நிகழ்ச்சிகளாக மாலை 5 மணிக்கு மகா பஞ்சமுக பிரத்தியங்கிரா ஹோமமும், 17ம் தேதி குணமோசன கணபதி ஹோமம் துவார பூஜை,மண்டப தேவதா ஆராதனை, 18 ம் தேதி மகாலட்சுமி ஹோமம், சுயம்வர பார்வதி ஹோமம் சித்த கணபதி ஹோமம், 19ஆம் தேதி புத்திர காமேஷ்டி ஹோமம்,மகா சுதர்சன ஹோமம்,20ஆம் தேதி சகஸ்ர சண்டீ ஹோமம் உள்ளிட்ட பல்வேறு ஹோமங்கள் நடைபெற உள்ளன. விழாவை முன்னிட்டு கோவிலுக்கு தொடர்ந்து5 நாட்கள் சிறப்பு பஸ்கள் இயக்கப்பட உள்ளன. யாகத்திற்கான ஏற்பாடுகளை மகா பஞ்சமுக பிரத்தியங்கிரா வேத தர்ம ஷேத்திர டிரஸ்ட் நிர்வாகிகள் செய்து வருகின்றனர்.