கடலுார் : கடலுார், செல்லங்குப்பம், பூரணி புஷ்கலா சமேத குட்டியாண்டவர் கோவிலில் திருக்கல்யாண உற்சவம் நடந்தது.

விழாவை முன்னிட்டு காலை 9:00 மணிக்கு 108 சங்குகள் பிரதிஷ்டை செய்து கணபதி ஹோமத்துடன் யாகசாலை பூஜைகள், 10:00 மணிக்கு மூலவருக்கு மகா அபிஷேகம், தீபாராதனை நடந்தது. பகல் 1:00 மணியளவில், பூரணி புஷ்கலா - குட்டியாண்டவர் சுவாமி திருக்கல்யாண உற்சவம் சிறப்பாக நடைபெற்றது. சிறப்பு அலங்காரத்தில் அருள்பாலித்த சுவாமியை ஏராளமான பக்தர்கள் தரிசனம் செய்தனர்.