நாகர்கோவில்: கன்னியாகுமரி முக்கடல் சங்கமத்தில் ஆவணி மாதம் பவுர்ணமி சமுத்திர தீர்த்த ஆரத்தி கன்னியாகுமரி திருத்தொண்டர் பேரவையால் நடத்தப்பட்டது. இந்நிகழ்ச்சி குமாரகோவில் சின்மயா மிஷன் நிஜானந்தா சுவாமிகள் முன்னிலையில் நடந்தது. திருநெல்வேலி எம்எல்ஏ., நயினார் நாகேந்திரன், நாமரிஷி தபஸ்வி பொன்காமராஜ் மகராஜ், யோகிராம் சுரத்குமார் மந்திராலயம் காணிமடம், கன்னியாகுமரி ஸ்ரீ கிருஷ்ணா காய்கறி வியாபாரம் கண்ணன், கன்னியாகுமரி வெள்ளாளர் சங்க தலைவர் கிருஷ்ணபிள்ளை, திவ்யா சிவராம் ஆகியோர் மகா தீபம் ஏற்றினர். பெண்கள் அகல் விளக்கு ஏற்ற, நாதஸ்வர இசை ஒலிக்க, திருமுறை ஓத நடராஜர் புறப்பாடு நடந்தது. பேரவையின் தலைவர் ராஜகோபால், செயலாளர் சந்திரன், பொருளாளர் செந்தில், நிகழ்ச்சி ஒருங்கிணைப்பாளர் அனுசியா செல்வி, ஜெயராம், சஞ்சீவ்குமார், ஷியாம்குமார், பொன்னம்மாள், சௌதாமினி, சிவகாமி, ராணி ரஞ்சன், ஷீலா ராஜன் , ஐபிராட்டி, மாதேஸ்வரி, ஜெனி ஆகியோர் கலந்து கொண்டனர்.