புதுச்சேரி: புதுச்சேரி சித்தானந்த கோவிலில் காயத்ரி ஜெப ஹோமம் ராஜா சாஸ்திரி தலைமையில் நடந்தது. புதுச்சேரி கருவடிக்குப்பம் சித்தானந்த கோவிலில் ஆவணி அவிட்டத்தையொட்டி நேற்று காயத்ரி ஜெப ஹோமம் நடந்தது. காலை 5:30 மணியில் இருந்து 7:30 மணி வரை ராஜா சாஸ்திரி தலைமையில் ஹோமம் நடத்தப்பட்டது. இந்த ஹோமத்தில் 350க்கும் மேற்பட்ட பிராமணர்கள் கலந்து கொண்டு காயத்ரி ஜெபம் செய்தனர்.