திருப்பரங்குன்றம்: மதுரை வினாச்சேரியில் நவராத்திரிக்காக பெரிய அளவில் கொலு மொம்மைகள் தயாரிக்கிப்படுகின்றன.

இங்கு 200க்கும் மேற்பட்ட குடும்பங்கள் பொம்மை தயாரிக்கும் தொழிலில் ஈடுபட்டுள்ளனர். சீசனுக்கு தகுந்தாற்போல் சுவாமி சிலைகள், அரசியல் தலைவர்களின் சிலைகள், மூன்று இஞ்ச் முதல் 10 அடி உயரம்வரை விநாயகர் சிலைகள் மற்றும் இரண்டரை அடி உயர மெகா சைஸ் அகல் விளக்குகள், கிறிஸ்து குடில்கள் ஆகியவற்றை களிமண், காகிதக் கூழ், பிளாஸ்டர் ஆப் பாரிஸ், சிமென்டில் தயாரிக்கின்றனர். இங்கு தயாராகும் பொம்மைகள் தமிழகம் மட்டுமின்றி கேரளா, கர்நாடகம், ஆந்திரா உள்ளிட்ட பல்வேறு வெளி மாநிலங்களுக்கு விற்பனைக்கு செய்கின்றன. நவராத்திரி விழாவிற்காக தற்போது கொலு பொம்மைகள் தயாரிக்கப்படுகின்றன. ராமலிங்கம் கூறுகையில், பரம்பரை பரம்பரையாக பொம்மைகள் தயாரிக்கும் தொழிலில் குடும்பத்துடன் ஈடுபட்டு வருகிறோம். நவராத்திக்காக வழக்கமாக தயாரிக்கப்படும் கொலு பொம்மைகளுடன் இந்த ஆண்டு புதிதாக வாகனங்களுடன் முழு வடிவில் சப்த கன்னிமார், 18 படிகளு டன் ஐயப்பன், திருப்பதி ஏழுமலை செட், அஷ்ட பைரவர், 18 சித்தர்கள், கிருஷ்ணர் துலாபாரம் ஆகியவை மூன்று இஞ்ச் முதல் நான்கரை அடி உயரம் வரை காகித கூழால் தயாரித்துள்ளோம். சுற்றுச் சூழலை கருத்தில் கொண்டு களிமண், காகிதகூழ் ஆகியவற்றால் மட்டுமே சிலைகள் தயாரிக்கிறோம். வீட்டு அலங்காரத்திற்காக பிளாஸ்டர் ஆப் பாரிசில் தயாரித்து கொடுக்கிறோம்‌. தமிழகத்தின் பெரும்பாலான கோயில்கள், காதி விற்பனையகங்களில் இச்சிலைகள் விற்பனைக்கு உள்ளன. வெளி மாநிலத்தினரின் ஆர்டரின் பேரிலும் பொம்மைகள் தயாரித்து கொடுக்கிறோம். என்றார்.