வாடிப்பட்டி: இஸ்கான் சங்கீர்த்தன் பாதயாத்திரை, அகில உலக கிருஷ்ண பக்தி இயக்கம் சார்பில் உலக நன்மை வேண்டி துவங்கிய நாம சங்கீர்த்தன ரத யாத்திரை வாடிப்பட்டி நவநீத பெருமாள் கோயிலில் 2 நாட்கள் முகாமிட்டது. இக்கோயிலில் ராதா அஷ்டமி விழா, சிறப்பு வழிபாடுகள் நடந்தது. பஜனை குழுவினருடன் ரதம் நகரின் முக்கிய வீதிகளில் வலம் வந்தது. ரதத்தில் பக்தி இயக்க நிறுவனர் பக்தி வேதாந்த சுவாமி பிரபுபாதர் சிலையை பக்தர்கள் வழிபட்டனர். புனிதநீர் பிரசாதங்கள் வழங்கப்பட்டது. கடந்த ஜன.,14ல் திருநெல்வேலியில் இருந்து குஜராத் காங்ரேஜ் காளைகளுடன் புறப்பட்ட ரதம் நாம கீர்த்தனத்தை அனைவரும் உச்சரிக்கும் விதமாக தமிழகம் முழுவதும் வலம் வர உள்ளது. நேற்று வாடிப்பட்டியில் இருந்து திண்டுக்கல் மாவட்டத்திற்கு ரத யாத்திரை புறப்பட்டது.கோயில் பரம்பரை அறங்காவலர் நவநீத கண்ணன் உள்ளிட்டோர் நிகழ்ச்சிகளை ஒருங்கிணைத்தனர்.