செஞ்சி: செஞ்சி கோட்டை வெங்கட்ரமணர் கோவிலில் திருக்கல்யாண உற்சவம் நடந்தது.

செஞ்சி கோட்டை வெங்கட்ரமணர் கோவிலில் புரட்டாசி மாதத்தில் ஒவ்வொரு ஆண்டும் திருக்கல்யாண உற்சவம் நடந்து வருகிறது. இந்த ஆண்டு திருக்கல்யாண உற்சவம் நேற்று நடந்தது. இதை முன்னிட்டு காலை 9 மணிக்கு ஸ்ரீதேவி பூதேவி சமேத வெங்கட்ரமணருக்கு சிறப்பு திருமஞ்சனமும், சிறப்பு அலங்காரமும் செய்தனர். 11 மணிக்கு ஜனனி நாட்டியாலயாவை சேர்ந்த 60 நாட்டிய கலைஞர்கள் நாட்டியமாடி ஸ்ரீதேவி பூதேவி சமேத வெங்கட்ரமணருக்கு வரவேற்பளித்தனர். பின்னர் சீர்வரிசை பெருட்களுடன் மேள தாளத்துடன் ஊர்வலமாக அழைத்து வந்தனர். 12 மணிக்கு கொலு மண்டபத்தில் ஸ்ரீதேவி பூதேவி சமேத வெங்கட்ரமணருக்கு திருக்கல்யாண வைபவம் நடந்தது. குமார் பட்டாச்சாரியார் தலைமையிலான குழுவினர் திருக்கல்யாணத்தை நடத்தினர். இதில் ஸ்ரீரங்கபூபதி கல்வி நிறுவன தாளாளர் ரங்கபூபதி, விழா ஒருங்கிணைப்பாளர் வழக்கறிஞர் வைகை தமிழ், விழா குழுவினர், பாகதவர்கள், ஆண்டால் கோஷ்டியினர் மற்றும் ஆயிரக்கணககான பக்தர்கள் கலந்து கொண்டனர். பக்தர்களுக்கு அன்னதானம் வழங்கினர். நேற்று காலை திருப்பள்ளி எழுட்சியும், சிறப்பு வழிபாடும் நடந்தது. இதில் திரளான பக்தர்கள் கலந்து கொண்டனர்.