திருமலையில் கைசிகதுவாதசியை முன்னிட்டு, இன்று அதிகாலை 4.45 மணி முதல் 5.45 மணி வரை ஸ்ரீதேவி, பூதேவி சமேதராக ஸ்ரீ உக்ரசீனிவாசமூர்த்தி கோயிலில் மாட வீதிகளில் உலா வந்து பக்தர்களுக்கு காட்சியளித்தனர்.  அபூர்வமாக கருவறையில் இருக்கும் உக்கிர சீனிவாசமூா்த்தி இன்று மட்டுமே வெளியே வருவார்.

உக்ரசீனிவாசமூர்த்தி, ஸ்ரீதேவி பூதேவியுடன் கைசிக துவாதசி நாளில் மட்டும் சூரிய உதயத்திற்கு முன் வீதிகளில் வீதியுலா வருகிறார். சூரிய உதயத்துக்கு முன்பு அவா் கொடிமரம் பிரதட்சணம் செய்தபடி எழுந்தருளினாா். அவரை தங்க வாசல் முன்பு எழுந்தருள செய்து அா்ச்சகா்கள் ஆஸ்தானம் நடத்தினா். இந்நிகழ்ச்சியில் TTD தலைவர் பூமன கருணாகர ரெட்டி,  ஸ்ரீ ஏவி தர்மா ரெட்டி, நிர்வாகக் குழு உறுப்பினர்கள் ஸ்ரீ சுப்பராஜு, மற்றும் கோயில் அதிகாரிகள் கலந்து கொண்டனர். விழாவில் ஏராளமான பக்தர்கள் கலந்து கொண்டு தரிசனம் செய்தனர்.