தொண்டாமுத்தூர்: கோவை ஈஷா யோகா மையத்தில், கார்த்திகை தீப திருநாளையொட்டி, ஆயிரக்கணக்கான தீபங்கள் ஏற்றப்பட்டதால், தீப ஒளியில் பிரகாசித்தது.

கோவை ஈஷா யோகா மையத்தில், கார்த்திகை தீபத்திருநாளையொட்டி, தியானலிங்கம், லிங்க பைரவி, சூரிய குண்டம், நந்தி, ஆதியோகி உள்ளிட்ட இடங்களில், ஈஷா தன்னார்வலர்கள் மற்றும் பொதுமக்கள் இணைந்து அகல் விளக்குகளை ஏற்றி தீபத்திருநாளை வெகு சிறப்பாக கொண்டாடி மகிழ்ந்தனர். மேலும் சத்குருவால் பிரதிஷ்டை செய்யப்பட்ட தியானலிங்கம் உலகிற்கு அர்ப்பணிக்கப்பட்டு, 24வது ஆண்டு தினத்தை முன்னிட்டு சிறப்பு நாத ஆராதனையும் நடந்தது. லிங்க பைரவி சன்னதியில், பவுர்ணமி அபிஷேகமும், தொடர்ந்து நந்தி முன்பு லிங்கபைரவி மகா ஆரத்தியும் நடைபெற்றது. இதில், ஆயிரக்கணக்கான மக்கள் கலந்து கொண்டனர்.