திருப்பதி; திருப்பதி தேவஸ்தானத்தின் தலைவராக பூமனா கருணாகர ரெட்டி உள்ளார். திருப்பதி தேவஸ்தான அறங்காவலர் குழுவின் ஆலோசனை கூட்டம் திருப்பதி மலையில் செவ்வாய்க்கிழமை நடைபெற்றது. இந்த கூட்டத்தில் நிர்வாக அதிகாரி தர்மா ரெட்டி மற்றும் அறங்காவலர் குழு உறுப்பினர்கள் பங்கேற்றனர்.

கூட்டத்திற்கு பின் கருணாகர ரெட்டி கூறியதாவது; திருமலை திருப்பதி தேவஸ்தானத்தில் பணியாற்றும் அனைத்து ஊழியர்களுக்கு வீட்டுமனை வழங்க தேவையான ஏற்பாடுகள் ஏற்பாடுகள் நடைபெற்று வருகின்றன. இம்மாத இறுதிக்குள் சுமார் 5000 ஊழியர்களுக்கு வீட்டுமனை பட்டா வழங்கப்படும். லட்டு தயாரிக்கும் ஊழியர்களுக்கு மாதம் 10,000 ரூபாய் ஊதிய உயர்வு, அனைத்து ஊழியர்கள் மற்றும் ஓய்வு பெற்ற ஊழியர்களுக்கும் வீட்டுமனை வழங்க ஏற்பாடுகள் நடைபெற்று வருகின்றன. விரைவில் வழங்கப்படும் என்றார். இதனால் தேவஸ்தான ஊழியர்கள் அனைவரும் மகிழ்ச்சி வெள்ளத்தில் முழ்கியுள்ளனர்.