திருப்பதி; உ.பி., மாநிலம், அயோத்தியில் கட்டப்பட்டுள்ள ராமர் கோவிலில், ஜன. 22ல் கும்பாபிஷேகம் நடக்கிறது. இதற்காக, திருப்பதி தேவஸ்தானம் சார்பில் பக்தர்களுக்கு 25 கிராம் எடையுள்ள ஒரு லட்சம் லட்டுகளை வழங்க TTD ஏற்பாடு செய்துள்ளது. இதற்காக இன்று வியாழக்கிழமை திருமலையில் உள்ள ஸ்ரீவாரி சேவாசதன்-1ல் ஸ்ரீவாரி பக்தர்கள்,  லட்டுகளை அடுக்கும் பணியில் ஈடுபட்டனர். இதில் 350 ஸ்ரீவாரி பக்தர்கள் கலந்து கொண்டனர். பணிகள் முடிந்ததும் லட்டு பிரசாதம் அயோத்திக்கு அனுப்பப்படும். இந்நிகழ்ச்சியில் கோயில் அலுவலர்கள் சிவபிரசாத், ஸ்ரீனிவாசலு மற்றும் பணியாளர்கள் கலந்து கொண்டனர்.