காரைக்கால்; காரைக்கால் திருநள்ளாறு சனீஸ்வர பகவான் கோவிலில் குடியரசு தினவிழா தொடர் விடுமுறை என்பதால் லட்சக்காணக்கான பக்தர்கள் சுவாமி தரிசனம் செய்தனர்.

புதுச்சேரி யூனியன் பிரதேச காரைக்கால் மாவட்டத்தில் உள்ள உலக பிரசித்தி பெற்ற திருநள்ளாறு தர்ப்பாரண்யேஸ்வரர் கோவிலில், சனீஸ்வர பகவான் தனி சன்னதியில் அனுக்கிரக மூர்த்தியாக அருள்பலித்து வருகிறார். இக்கோவிலில் இரண்டரை ஆண்டுகளுக்கு ஒருமுறை நடைபெறும் சனிப்பெயர்ச்சி விழா கடந்த டிச.,20ம் தேதி நடைபெற்றது. சனிப்பெயர்ச்சி முடிந்தும் பல்லாயிரக்காணக்கான பக்தர்கள் தினமும் சனீஸ்வர பகவானை தரிசனம் செய்து வருகின்றனர். இந்நிலையில் தைபூசம்,குடியரசு தினவிழா என தொடர் விடுமுறையால் நேற்று முதல் பல்லாயிரக்காணக்கான பக்தர்கள் தரிசனம் செய்து வருகின்றனர். இன்று பல்வேறு பகுதியிலிருந்து லட்சக்காணக்கான பக்தர்கள் சுவாமியை தரிசனம் செய்தனர். முன்னதாக நளன் குளத்தில் நிராடி, கலிதீர்த்த விநாயகரை வணக்கி சிதறு தேங்காய் உடைந்து, அதிகாலை முதல் இரண்டு கிலோ மீட்டர் நீண்ட வரிசையில் காத்திருந்து பக்தர்கள் தரிசனம் செய்தனர். அதிகாலை 4 மணிக்கு கோவில் நடைத்திறக்கப்பட்ட நிலையில் விசேஷ அபிஷேகம், தீபாராதனை நடைபெற்றது. சனீஸ்வர பகவான் வெள்ளி கவச அலங்காரத்தில் பக்தர்களுக்கு அருள்பாலித்தார். கோவில் நிர்வாகம் சார்பில் அன்னதானம், பிஸ்கட், தண்ணீர் வழங்கப்பட்டது. பக்தர்கள் கூட்டம் அதிகம் காணப்பட்டதால் கூட்டத்தை கட்டுப்படுத்த முடியாமல் போலீசார் திணறினர். எஸ்.பி.,சுப்ரமணியன் தலைமையில் இன்ஸ்பெக்டர் அறிவுசெல்வம், லெனின்பாரதி,செந்தில்குமார் உள்ளிட்ட ஏராளமான போலீசார் பாதுகாப்பு பணியில் ஈடுப்பட்டனர்.