திருமலை திருப்பதியில் ‘மினி பிரம்மோற்சவம்’ என்று சொல்லக்கூடிய ரத சப்தமி வருகின்ற 16 ம் தேதி நடைபெற உள்ளது.

நவராத்திரி பிரம்மோற்சவத்தின் போது ஒன்பது நாட்களும் ஒன்பது விதமான அலங்காரத்தில் மலையப்பசுவாமி விதவிதமான அலங்காரத்தில் வலம்வந்து பக்தர்களுக்கு அருள்பாலிப்பார். ரதசப்தமி நாளான்று ஒரே நாளில் காலை முதல் இரவு வரை மலையப்பசுவாமி அந்த ஒன்பது விதமான அலங்காரத்தில் பிரம்மோற்சவ நாட்களில் வலம்வருவது வலம் வருவார். இந்த நாள் சூரிய ஜெயந்தி விழா நாளாகவும் கொண்டாடப்படுகிறது. அதிகாலை முதல் மாலை வரை ஏழு வாகனங்களில் உலா வந்து பக்தர்களுக்கு அருள்பாலிக்கிறார். காலை 5:30 மணி முதல் 8 மணி வரை சூரியபிரபை வாகனத்துடன் வாகன சேவை தொடங்குகிறது (ஸ்ரீ மலையப்ப ஸ்வாமி மீது சூரியனின் முதல் கதிர்கள் காலை 6:40 மணிக்கு நிலைநிறுத்தப்படும்), அதைத் தொடர்ந்து 9 முதல் 10 மணிக்குள் சின்னசேஷ வாகனம், இடையில் கருட வாகனம். காலை 11 மணி முதல் 12 மணி வரை ஹனுமந்த வாகனம், மதியம் 2 மணி முதல் 3 மணி வரை சக்ரஸ்நானம், மாலை 4 மணி முதல் 5 மணி வரை கல்பவிருக்ஷ வாகனம், மாலை 6 மணி முதல் 7 மணி வரை சர்வபூபால வாகனம், இரவு 8 மணி முதல் 9 மணி வரை சந்திரபிரபா வாகனத்தில் சுவாமி வலம் வருகிறார். ராதா சப்தமியை முன்னிட்டு, கல்யாணோத்ஸவம், ஊஞ்சல் சேவை, ஆர்ஜித பிரம்மோத்ஸவம், சஹஸ்ர தீபாலங்கார சேவை போன்ற ஆர்ஜித சேவைகள் ரத்து செய்யப்பட்டுள்ளது.ஒரே நாளில் பெருமாளை விதம் விதமாகக் காணவிரும்பி ஏாரளமான பக்தர்கள் வருவர் என்பதால் விரிவான ஏற்பாடுகள் செய்யப்பட்டுள்ளது.