நத்தம், நத்தம் காந்திநகர் மலையாள கருப்புசாமி, மந்தை அம்மன் கோவில் திருவிழாவை முன்னிட்டு பக்தர்களின் தீர்த்த ஊர்வலம் நடந்தது. விழாவையொட்டி நத்தம் காந்திநகர் மக்கள் அழகர் கோயில் மலையில் இருந்து நூபுர கங்கை தீர்த்தம் எடுத்து வந்து அதை நத்தம் சந்தன கருப்பு கோயிலில் வைத்து சிறப்பு பூஜை செய்தனர். தொடர்ந்து நூற்றுக்கும் மேற்பட்ட பக்தர்கள் மேளதாளம் முழங்க நகரின் முக்கிய வீதிகள் வழியாக சந்தன கருப்பு கோயிலில் இருந்து தீர்த்தம் எடுத்து மலையாள கருப்பு கோவிலுக்கு கொண்டு வந்து சிறப்பு அபிஷேகம் நடைபெற்றது. தொடர்ந்து பக்தர்கள் காப்பு கட்டி விரதத்தை தொடங்கினர். விழாவிற்கான ஏற்பாடுகளை காந்திநகர் ஊர் பொதுமக்கள் செய்து வருகின்றனர்.