அயோத்தி;  அயோத்தியில் புதிதாகக் கட்டப்பட்ட ராமர் கோயிலில் சமீபத்தில் மூலவர் ராம் லல்லா சிலையின் "தெய்வீகக் கண்களை" செதுக்க சிற்பி அருண் யோகிராஜ் தான் பயன்படுத்திய கருவிகளின் படங்களைப் பகிர்ந்துள்ளார்.

கர்நாடகாவைச் சேர்ந்த பிரபல சிற்பி அருண் யோகிராஜ், அயோத்தியில் நிறுவப்பட்ட ராமரின் தெய்வீகக் கண்களைச் செதுக்கப் பயன்படுத்தப்பட்ட வெள்ளி சுத்தியல் மற்றும் தங்க உளியின் படத்தை X தலத்தில் பகிர்ந்துள்ளார். அவர் கூறியதாவது; ராம் லல்லாவின் தெய்வீகக் கண்களை (நெட்ரோன்மிலனா) நான் செதுக்கிய தங்க உளியுடன் இந்த வெள்ளி சுத்தியலைப் பகிர்ந்து கொள்ள நினைத்தேன்" என்று யோகிராஜ் புகைப்படத்தை X தலத்தில் கூறியுள்ளார். மேலும் அவர், கண்களை செதுக்கும் வேலை ஒரு நல்ல நேரத்தில் தொடங்கியது. ராமர் சிலையை செதுக்கத் தொடங்கும் முன் தினமும் சரயு நதியில் குளித்துவிட்டு அயோத்தியில் உள்ள ஹனுமான் கர்ஹியில் பூஜை செய்து வந்ததாகவும் அவர் கூறினார். இந்த தாமரையின் மீது நிற்கும் ராமரின் 5 வயது குழந்தை வடிவத்தை பிரதமர் மோடி ஜனவரி 22 அன்று பிராண பிரதிஷ்டை செய்தார்.