தூத்துக்குடி : கோரம்பள்ளம் தூய மிகாவேல் ஆலயத்தில் சபை மன்றம் அளவிலான சிறப்பு தரிசன முகாம் நடந்தது. முகாமில் இயேசு கிறிஸ்து குறித்து பாடல்கள், அவரது வரலாறு உட்பட குறுநாடகம் போன்ற பல்வேறு நிகழ்ச்சிகள் நடந்தது. முகாமில் தூத்துக்குடி நாசரேத் திருமண்டலம் பிஷப் ஜெபச்சந்திரன் கலந்து கொண்டு ஆரம்ப ஜெபம் செய்தார். மேட்டூர் ராஜரிக அபிஷேக ஊழியங்கள் பிரபாகாரன் சிறப்பு செய்தி கொடுத்தார். ஓய்வு பெற்ற சேகர குரு ஆஸ்டின், ராக்லாண்ட் சபைமன்ற தலைவர் யோசுவா போப் சபை மன்ற தலைவர் எட்வின் ஜெபராஜ் ராபர்ட் கால்டுவெல் சபை மன்ற தலைவர் தேவசகாயம் செய்தி கொடுத்தனர். ஆலயத்தின் சேகரகுரு முகாம் கன்வீனரான ஆபிரகாம் பீட்டர் தலைமை வகித்தார். ராபர்ட் கால்டுவெல் சபை மன்ற செயலாலரும், விக்டோரியா மகளிர் மேல்நிலைப்பள்ளி ஆட்சிமன்ற உறுப்பபினருமான ஜெபதுரை முன்னிலை வகித்தார். சேகர செயலாளர் செல்லத்துரை நன்றி கூறினார். திருமண்டல பெருமன்ற உறுப்பினர்கள் அய்யாத்துரை, இம்மானுவேல், சர்ச் கவுன்சில் உறுப்பினர் கனகராஜ், சேகர கமிட்டி உறுப்பினர் தங்கத்துரை, கோரம்பள்ளம் பஞ்., துணை தலைவர் பொன்ராஜ், பஞ்., உறுப்பினர் பிரபாகரன் தனராஜ், சேகர உறுப்பினர்கள் சாலமோன், அகஸ்டின் செல்வகுமார், ஜெயபாலன் உட்பட ஏராளமான சபை ஊழியர்கள், நிர்வாகிகள், பொதுமக்கள் கலந்து கொண்டனர்.