தொண்டாமுத்தூர்; கோவை ஈஷா யோகா மையத்தில் நடைபெறும் மஹா சிவராத்திரி விழாவில், பக்தர்கள் மற்றும் பொதுமக்கள், ஆன்லைன் மூலம் விண்ணப்பித்து இலவசமாக பங்கேற்கலாம் என, தெரிவித்துள்ளனர்.

உலகின் மிக பிரம்மாண்டமான மஹா சிவராத்திரி விழா, கோவை ஈஷா யோகா மையத்தில் வரும் 8ம் தேதி, மாலை, 6:00 மணி முதல் மறுநாள் காலை, 6:00 மணி வரை கோலாகலமாக கொண்டாடப்பட உள்ளது. இவ்விழாவில் லட்சக்கணக்கான மக்கள் நேரடியாக பங்கேற்பது வழக்கம். இந்தாண்டு மஹா சிவராத்திரி விழாவில் நேரடியாக பங்கேற்க விரும்பும் பக்தர்கள், ஆன்லைன் மூலமும், நேரடியாகவும் பதிவு செய்து கொள்ளலாம். இவ்விழாவில் இலவசமாக பங்கேற்க விரும்புவோர், https://isha.sadhguru.org/mahashivratri/ta/attend-in-person/ அல்லது Isha.co/tnmsr2024-VAT என்ற லிங்கை பயன்படுத்தி, உங்கள் பெயர், முகவரி, மொபைல் எண் உள்ளிட்ட விபரங்களை கொடுத்து இலவசமாக பதிவு செய்து கொள்ளலாம். நேரில் பதிவு செய்ய விரும்புவோர், மார்ச் 8ம் தேதி கோவை ஈஷா யோகா மையத்தின் அமைக்கப்பட்டுள்ள பதிவு மையத்தில் நேரடியாக பதிவு செய்து கொள்ளலாம். முதலில் வருபவருக்கு முன்னுரிமை என்ற அடிப்படையில் இந்த பதிவு நடைபெறும்.