சிவபக்தர்கள் ருத்ராட்சத்தை தங்கள் உயிர் மூச்சாக போற்றுவர்.  திரிபுராசுரனால் துன்பப்பட்ட தேவர்களைக் காக்க சிவபெருமான் கண்களை மூடாமல் ஆயிரம் ஆண்டுகள் தவமிருந்தார். ‘அகோர அஸ்திரம்’ என்னும் ஆயுதத்தை தயார் செய்து கண்களை மூடும் போது, அவரது மூன்று கண்களில் இருந்தும் கண்ணீர் வழிந்தது. அது பூமியில் பட்டதும் ஒரு மரம் தோன்றியது. அதில் இருந்து விழுந்த பழம் தான் ருத்ராட்சம். ருத்ரனாகிய சிவனின் கண்களில் இருந்து உண்டானதால் இப்பெயர் ஏற்பட்டது.