செஞ்சி; பசுமலை சுப்ரமணியர் கோவிலில் நடந்த பங்குனி உத்திர தேர்திருவிழாவில் நுாற்றுக்கணக்கான பக்தர்கள் கலந்து கொண்டு திருத்தேர் வடம் பிடித்து இழுத்தனர்.

செஞ்சி அடுத்த மேல்ஒலக்கூர் பசுமலை சுப்ரமணியர் கோவிலில் பங்குனி உத்திரத் தேரோட்டம் நேற்று முன்தினம் மாலை நடந்தது. இதை முன்னிட்டு கடந்த 15 ஆம் தேதி கொடியேற்றம் நடந்தது. இதையடுத்து தினமும் சிறப்பு அபிஷேகம், அலங்காரம் நடந்து வந்தது. 19 ஆம் தேதி மயில் வாகனத்திலும், 20 ஆம் தேதி முத்து பிரபை வாகனத்திலும், 21ஆம் தேதி இந்திர விமானத்திலும் சாமி வீதி உலா நடந்தது. 22ம் தேதி இரவு திருக்கல்யாண உற்சவம் நடந்தது. முக்கிய விழாவான திருத்தேர் வடம் பிடித்தல் நேற்று முன்தினம் மாலை நடந்தது. திருத்தேரில் வள்ளி, தேவசேனா சமேத சுப்ரமணியர் எழுந்தருளினார். ஆயிரக்கணக்கான பக்தர்கள் வடம் பிடித்து சாமி தரிசனம் செய்தனர். நேற்று தீர்த்தவாரி நடந்தது. இதில் திரளான பக்தர்கள் கலந்து கொண்டனர்.