திருப்பதி; திருமலை திருப்பதி கோவிலில் நேற்று இரவு 7 மணிக்கு பவுர்ணமி கருட வாகன சேவை நடைபெற்றது. சர்வ அலங்காரத்தில் மலையப்ப சுவாமி கருட வாகனத்தில் வீதிகளில் வீதி உலா வந்து பக்தர்களுக்கு அருள்பாலித்தார். 108 வைஷ்ணவ திவ்யதேசங்களிலும் கருடசேவை மிகவும் முக்கியத்துவம் வாய்ந்ததாக கருதப்படுகிறது. கருட சேவை தரிசித்தால் சகல பாவங்களும் நீங்கும் என்பது பக்தர்களின் நம்பிக்கை. கோலாகலமாக நடைபெற்ற கருட சேவையில் திருமலை சின்ன ஜீயர் சுவாமி, கோயில் துணை இஓ லோகநாதம் மற்றும் ஏராளமான பக்தர்கள் பங்கேற்றனர்.