திருவண்ணாமலை; திருவண்ணாமலை: திருவண்ணாமலையில், அண்ணாமலையாருக்கு வைகாசி அமாவாசையை முன்னிட்டு, பால், தயிர் ஆகியவற்றால் சிறப்பு அபிஷேகம் நடந்தது.

திருவண்ணாமலை அண்ணாமலையார் கோவிலில், ஆண்டு தோறும் வைகாசி அமாவாசையை முன்னிட்டு, அண்ணாமலையார் உற்சவ மூர்த்திக்கு, சிறப்பு அபிஷேகம் மற்றும் பூஜைகள் நடக்கும். இதேபோன்று இந்த ஆண்டும், வைகாசி அமாவாசையை முன்னிட்டு, பால், தயிர், கரும்பு சாறு, இளநீர், சந்தனம், விபூதி என, 108 மூலிகை பொடிகள் ஆகியவற்றால், காலை, 6 மணி முதல், மதியம், 12மணி வரை சிறப்பு அபிஷேகம் நடந்தது. உண்ணாமுலையம்மன் சமேதராய் அண்ணாமலையாருக்கு  நடந்த சிறப்பு தீபாதனையில் ஏராளமான பக்தர்கள் வழிப்பட்டனர். ஏராளமான பக்தர்கள் கோயிலில் நீண்ட வரிசையில் காத்திருந்து தரிசனம் செய்தனர்.