கோவை; சுந்தராபுரம் காமராஜர் நகர் குறிச்சி ஹவுசிங் யூனிட் பேஸ் - 1 ல் உள்ள கம்பீர விநாயகர் கோவிலில் ஆனி மாதம் மூன்றாவது புதன்கிழமையை முன்னிட்டு சிறப்பு வழிபாடு நடைபெற்றது. கோயிலில் இருக்கும் லட்சுமி நாராயண பெருமாளுக்கு சிறப்பு அபிஷேகம் மற்றும் பூஜை நடந்தது. இதில் நீல வஸ்தரத்தில் பெருமாளும், பச்சை நிற வஸ்திரத்தில் தாயாரும் புஷ்ப அலங்காரத்தில் பக்தர்களுக்கு காட்சியளித்தனர். இந்த நிகழ்ச்சியில் ஏராளமான பக்தர்கள் கலந்து கொண்டு சுவாமி தரிசனம் செய்தனர்.