திருப்புவனம்; குஜராத்தைச் சேர்ந்த நிர்வாண சாமியார் ஒருவர் ராமேஸ்வரம் உள்ளிட்ட தமிழக கோயில்களில் தரிசனம் செய்வதுடன் இந்துத்துவம், சமாதானம் ஆகியவற்றை வலியுறுத் வலம் வருகிறார். குஜராத்தில் ஆசிரமம் அமைத்துள்ள 40 வயது மதிக்கதக்க ஆண் சாமியார் புண்ணிய ஸ்தலமான ராமேஸ்வரம் சென்று விட்டு மதுரை செல்லும் வழியில் திருப்புவனத்திற்கு வருகை தந்தார். குஜராத்தில் இருந்து காரிலேயே தமிழகம் வந்த அவர் மதுரை, ராமேஸ்வரம் உள்ளிட்ட புண்ணிய ஸ்தலங்களில் தரிசனம் செய்து வருகிறார். பொதுமக்களிடம் சமாதானமும், சகோதரத்துவமும் நிலவ வேண்டும், உலகம் முழுவதும் இந்துத்துவம் பற்றி அறிந்து கொள்ள வேண்டும் என யாத்திரையாக கிளம்பி வந்ததாக கூறும் இவர் தினசரி இரவில் வெறும் பழங்களை மட்டுமே உணவாக எடுத்து கொள்கிறார். வேறு எதுவும் சாப்பிடுவதில்லை. பக்தர்கள் கேட்டு கொண்டால் காரை விட்டு இறங்கி ஆசிர்வாதம் செய்கிறார். தன்னுடைய பெயர், வயது எதையும் தெரிவிக்க மறுக்கும் இவர் தமிழகத்தில் உள்ள அனைத்து கோயில்களிலும் தரிசனம் செய்த பின் குஜராத்தில் உள்ள தன்னுடைய ஆசிரமத்தில் தண்ணீரில் அமர்ந்து யோகாசனம் செய்ய உள்ளார். ராமேஸ்வரத்தில் இருந்து தீர்த்தம், புனிதமண் எடுத்து செல்லும் இவர் குஜராத்தில் உள்ள தன்னுடைய ஆசிரமத்தில் இதனை வைத்து பூஜை செய்ய உள்ளதாகவும் தெரிவித்தார். நான்கு வழிச்சாலையில் திடீரென நிர்வாண சாமியாரை கண்ட பொதுமக்கள் பலரும் அவரிடம் ஆசி பெற்றனர்.