சிதம்பரம்; சிதம்பரம் நடராஜர் கோவிலில், ஆடிமாத சுவாதியை முன்னிட்டு, உமயபார்வதி சமேத ஆதிமூலநாதருக்கு நேற்று மாலை மகா ருத்ர மகாபிஷேகம் நடந்தது. மகாபிஷேகத்தை முன்னிட்டு, 8 ம் தேதி கோவிலில், தட்சிணாமூர்த்தி சந்நிதியில் கூஷ்மாண்ட ஹோமம், நாந்தி பூஜை, நடராஜர் அனுக்ஞையும், 9ம் தேதி முக்குறுனி விநாயகர் சந்நிதியில் மகா கணபதி ஹோமம், 10ம் தேதி காலை நவக்கிரக ஹோமம், தனபூஜை நடந்தது. தொடர்ந்து நேற்று காலை உமயபார்வதி சமேத ஆதிமூலநாதருக்கு லட்சார்ச்சனை, மகா ருத்ர சங்கல்பம், கடஸ்தாபனம், மகா ருத்ர ஜபம், மகா தீபாராதனை நடைபெற்றது. பின்னர் மதியம் மாக ருத்ர ஹோமம் துவங்கி வஸோத்தாரா ஹோமம், மகா தீபாராதனை நடந்தது. மாலை வடுக பூஜை, கன்யா பூஜை, சுகாசினி பூஜை, தம்பதி பூஜை, கோ பூஜை, கஜ பூஜை, ஆகியன நடந்தது. பின்னர் யாகசாலையில் தீபாராதனை வேதபாராணயம். தேவாரம், திருவாசகம் பாடப்பட்டு மகா தீபாராதனை நடந்தது. தொடர்ந்து, யாகசாலையிலிருந்து கலசம் புறப்பட்டு உமயபார்வதி சமேத ஆதிமூலநாதருக்கு மகா ருத்ர மகாபிஷேகம் நடந்தது. திரளான பக்தர்கள் தரிசனம் செய்தனர்.