கடலுார்; கடலுார், முதுநகர் கிருஷ்ணர் கோவிலில், இன்று புதிய கொடிமரம் நிறுவும் நிகழ்ச்சி மற்றும் லட்சுமி சுதர்சன ஹோமம் நடந்தது. விழாவையொட்டி, காலை 7:00 மணிக்கு கும்ப ஸ்தாபனம், எந்திர பிரதிஷ்டை, லட்சுமி சுதர்சன ஹோமம் நடந்தது. காலை 9:00 மணியளவில் மகா பூர்ணாஹூதி, காலை 10:00 மணியளவில் புதிய கொடிமரம் நிறுவுதல், காலை 10:30 மணியளவில் கொடி மரத்திற்கு புனித நீரால் அபிஷேகம் செய்யப்பட்டது. ஏராளமான பக்தர்கள் சுவாமி தரிசனம் செய்தனர். ஏற்பாடுகளை கோவில் நிர்வாகிகள் செய்திருந்தனர்.