வேலுார்; வேலுார் மாவட்டம், ஸ்ரீபுரத்தில் உள்ள தங்க நாராயணி கோவிலில், உலக அமைதி வேண்டியும், அனைவரும் நோய் இல்லாமல் வாழ வேண்டியும், மழை வளம் பெருகி விவசாயம் செழிக்கவும், தீபாவளி பண்டிகையை முன்னிட்டு, ஸ்ரீ சக்கர வடிவில், 10,008 நெய் தீபம் ஏற்றி சிறப்பு பூஜை செய்து வழிபட்டனர். விழாவில், ஸ்ரீநாராயணி அம்மன் ஊஞ்சல் உற்சவம் நடைபெற்றது. தங்க கோவில் நிறுவனர் சக்தியம்மா, ஸ்ரீநாராயணி அம்மனுக்கு ஆரத்தி எடுத்து வழிபாடு நடத்தினார். இதில், ஏராளமான பக்தர்கள் வழிபட்டனர்.