பழநி; பழநி கோயில் நிர்வாகத்தின் கட்டுப்பாட்டில் உள்ள வேணுகோபால சுவாமி கோயிலில் கும்பாபிஷேகத்திற்கான முகூர்த்தக்கால் நடும் நிகழ்ச்சி நடைபெற்றது.

பழநி காந்தி ரோட்டில் கோயில் நிர்வாகத்தின் கட்டுப்பாட்டில் உள்ள வேணுகோபால சுவாமி கோயில் உள்ளது. சில மாதங்களுக்கு முன் வேணுகோபால சுவாமி கோயிலில் பாலாலய பூஜை நடைபெற்றது. அதனைத் தொடர்ந்து புனரமைக்கும் பணிகள் நடைபெற்றது. அக்.23., கருவறை பாலாலயம் நடைபெற்றது. கருவறை புனரமைக்கும் பணிகள் நடைபெற்றது. இந்நிலையில் நேற்று (நவ.4.,)கும்பாபிஷேகம் நடைபெற முகூர்த்த கால் ஊன்றும் நிகழ்ச்சி நேற்று நடைபெற்றது. முகூர்த்தகாலுக்கு சிறப்பு பூஜைகள், தீபாராதனை நடைபெற்றது. கோயில் கும்பாபிஷேகம் நவ.17 அன்று நடத்த துறை ரீதியான அனுமதி கோரப்பட்டுள்ளது. நிகழ்ச்சியில் கோயில் இணை கமிஷனர் மாரிமுத்து, துணை கமிஷனர் வெங்கடேஷ், கண்காணிப்பாளர் அழகர்சாமி, ஸ்தபதி மூர்த்தி உள்ளிட்ட பலர் கலந்து கொண்டனர்.