ராசிபுரம்; நாமக்கல் மாவட்டம் ராசிபுரத்தில் நித்திய சுமங்கலி மாரியம்மன் கோயில் உள்ளது. இதன் தேர்த்திருவிழா அக்.22ல் பூச்சாட்டுதலுடன் துவங்கியது. கோயில் பூஜாரிகள் பூச்சட்டி எடுக்கும் நிகழ்ச்சி நேற்று காலை நடந்தது. இதில் பூஜாரி பூச்சட்டி ஏந்தி கோயிலை வலம் வந்தார். தொடர்ந்து பக்தர்களுக்கு சாட்டையடி வழங்கும் நிகழ்ச்சி நடந்தது. இதில் விரதம் இருக்கும் பக்தர்கள் பூஜாரியிடம் சாட்டையடி வாங்கினால் நினைத்த காரியம் நிறைவேறும் என்பது ஐதீகம். அதன்படி வழக்கம்போல் நேற்று காலை நடந்த சாட்டையடி நிகழ்ச்சியில் ராசிபுரம் சட்டசபை தொகுதி முன்னாள் எம்.எல்.ஏ.,வும், அ.தி.மு.க., முன்னாள் அமைச்சருமான சரோஜா, அவரது கணவர் லோகரஞ்சன் ஆகிய இருவரும் பூஜாரியிடம் சாட்டையடி வாங்கி நேர்த்திக்கடன் செலுத்தினர்.